Europe Samachar

ਦਿੱਲੀ 18 ਮਈ (ਪ.ਪ) ਸ਼ੋਸ਼ਲ ਨੈਟਵਰਕਿੰਗ ਸਾਇਟ ਫੇਸਬੁੱਕ ਨੇ ਆਈ. ਟੀ. ਖੇਤਰ ਦੀ ਕੰਪਨੀਆਂ ‘ਚ ਵੱਡੇ ਆਕਾਰ ਦਾ ਆਈ. ਪੀ. ਓ. ਪੇਸ਼ ਕਰਕੇ ਇਕ ਇਤਿਹਾਸ ਰਚ ਦਿੱਤਾ। ਆਈ. ਪੀ.ਓ. ਰਾਹੀਂ ਕੰਪਨੀ ਦਾ 16 ਅਰਬ ਡਾਲਰ ਜੁਟਾਉਣ ਦਾ ਟੀਚਾ ਹੈ। ਕੰਪਨੀ ਨੇ ਆਪਣੇ ਆਈ. ਪੀ. ਓ. ਦਾ ਸ਼ੇਅਰ ਮੁੱਲ 38 ਡਾਲਰ ਪ੍ਰਤੀ ਸ਼ੇਅਰ ਤੈਅ ਕੀਤਾ ਹੈ। ਇਸ ਕੀਮਤ ‘ਤੇ ਕੰਪਨੀ ਦਾ ਵੈਲਯੂਏਸ਼ਨ 104 ਅਰਬ ਡਾਲਰ ਹੋ ਗਿਆ ਹੈ। ਯਾਨੀ ਫੇਸਬੁੱਕ ਕਿਸੇ ਵੀ ਟੈਕਨਾਲੋਜੀ ਕੰਪਨੀ ਦੇ ਮੁਕਾਬਲੇ ਬਾਜ਼ਾਰ ‘ਚ ਸਭ ਤੋਂ ਜ਼ਿਆਦਾ ਪੈਸੇ ਜੁਟਾਉਣ ਵਾਲੀ ਕੰਪਨੀ ਬਣ ਗਈ ਹੈ। ਫੇਸਬੁੱਕ ਨੇ ਬਿਆਨ ‘ਚ ਕਿਹਾ ਕਿ ਮਾਰਕ ਜੁਕਰਬਰਗ ਦੀ ਅਗਵਾਈ ਵਾਲੀ ਕੰਪਨੀ ਨੇ 42.1 ਕਰੋੜ ਸ਼ੇਅਰ ਪੇਸ਼ ਕੀਤਾ। ਇਸਦੇ ਇਲਾਵਾ ਫੇਸਬੁੱਕ  ਅਤੇ ਵਿਕਰੇਤਾ ਸ਼ੇਅਰਧਾਰਕਾਂ ਨੇ ਇਸ਼ਯੂ ਅੰਡਰਰਾਇਟਸ 63,185,042 ਵਾਧੂ ਸ਼ੇਅਰ ਖਰੀਦਣ ਲਈ 30 ਦਿਨ ਦਾ ਬਦਲ ਵੀ ਦਿੱਤਾ ਹੈ।  ਇਨ੍ਹਾਂ ਵਾਧੂ ਸ਼ੇਅਰਾਂ ਦੀ ਬਦੌਲਤ ਫੇਸਬੁੱਕ ਆਈ. ਪੀ. ਓ. ਰਾਹੀਂ ਕੁਲ 18.4 ਅਰਬ ਡਾਲਰ ਦੀ ਰਾਸ਼ੀ ਜੁਟਾ ਸਕਦੀ ਹੈ। ਕੰਪਨੀ ਦਾ ਜਨਤਕ ਨਿਰਗਮ 22 ਮਈ ਨੂੰ ਬੰਦ ਹੋਵੇਗਾ। ਫੇਸਬੁੱਕ ਨੇ ਆਈ. ਪੀ. ਓ. ਲਈ ਮੋਰਗਨ ਸਟੇਨਲੇ, ਜੇ. ਪੀ. ਮੋਰਗਨ, ਗੋਲਡਮੈਨ ਸਾਕਸ਼, ਬੈਂਕ ਆਫ ਅਮਰੀਕਾ ਮੈਰਿਲ ਲਿੰਚ, ਸਿਟੀਗਰੁੱਪ ਅਤੇ ਡਯੂਚੇ ਬੈਂਕ ਸਕਿਓਰਿਟੀਜ਼ ਜਿਹੀਆ ਵਿੱਤੀ ਕੰਪਨੀਆਂ ਨੂੰ ਸਲਾਹਕਾਰ ਨਿਯੁਕਤ ਕੀਤਾ ਹੈ।

ਸੰਯੁਕਤ ਰਾਸ਼ਟਰ, 18 ਮਈ (ਪ.ਪ) ਯੋਜਨਾ ਕਮਿਸ਼ਨ ਦੇ ਉਪ ਚੇਅਰਮੈਨ ਮੌਨਟੇਕ ਸਿੰਘ ਆਹਲੂਵਾਲੀਆ ਨੇ ਕਿਹਾ ਹੈ ਕਿ ਦੇਸ਼ ਵਿਚ ਅਗਲੇ ਦੋ ਦਹਾਕਿਆਂ ਤੱਕ 8 ਤੋਂ 9 ਫੀਸਦੀ ਤੱਕ ਆਰਥਿਕ ਵਾਧਾ ਹਾਸਲ ਕਰਨ ਦੀ ਸਮਰਥਾ ਹੈ। ਸ੍ਰੀ ਆਹਲੂਵਾਲੀਆ ਨੇ ਇਥੇ ਸੰਯੁਕਤ ਰਾਸ਼ਟਰ ਸਾਧਾਰਨ ਸਭਾ ਵਿਚ ਬੋਲਦਿਆਂ ਕਿਹਾ ਕਿ ਸਾਲ 2008 ਦੇ ਵਿੱਤੀ ਸੰਕਟ ਤੋਂ ਪਹਿਲੇ ਪੰਜ ਸਾਲ ਤੱਕ ਭਾਰਤੀ ਅਰਥ ਵਿਵਸਥਾ ਔਸਤਨ 9 ਫੀਸਦੀ ਵਾਧਾ ਹਾਸਲ ਕਰ ਰਹੀ ਸੀ। ਉਨ੍ਹਾਂ ਕਿਹਾ ਕਿ ਸਾਡਾ ਮੰਨਣਾ ਹੈ ਕਿ ਭਾਰਤ ਵਿਚ ਅਗਲੇ 20 ਸਾਲਾਂ ਤੱਕ ਅੱਠ ਤੋਂ ਨੌਂ ਫੀਸਦੀ ਵਾਧਾ ਹਾਸਲ ਕਰਨ ਦੀ ਸਮਰਥਾ ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਵਿਸ਼ਵੀ ਮਾਹੌਲ ਢੁਕਵੇਂ ਰਹੇ ਤਾਂ ਭਾਰਤ ਨੂੰ ਕਾਫੀ ਮਦਦ ਮਿਲੇਗੀ ਅਤੇ ਇਸ ਕੰਮ ਵਿਚ ਅਸੀਂ ਦੂਜਿਆਂ ਨਾਲ ਮਿਲ ਕੰਮ ਕਰਨਾ ਚਾਹੁੰਦੇ ਹਾਂ। ਜ਼ਿਕਰਯੋਗ ਹੈ ਕਿ ਮਹਿੰਗਾਈ ਅਤੇ ਆਰਥਿਕ ਮੰਦਹਾਲੀ ਦੇ ਸ਼ਿਕਾਰ ਹੋਏ ਭਾਰਤ ਨੂੰ ਮੌਨਟੇਕ ਸਿੰਘ ਆਹਲੂਵਾਲੀਆ ਨੇ ਭਾਵੇਂ ਦੋ ਦਹਾਕੇ ਬਾਅਦ ਹੀ ਸਹੀ ਪਰ ਕੁਝ ਆਸ ਦੀ ਕਿਰਨ ਜ਼ਰੂਰ ਦਿਖਾਈ ਹੈ।

ਹਨੋਈ 18 ਮਈ (ਪ.ਪ) ਵਿਅਤਨਾਮ ‘ਚ ਮੁਸਾਫਰਾਂ ਨਾਲ ਭਰੀ ਇੱਕ ਬੱਸ ਪੁੱਲ ਦੀ ਰੈਲਿੰਗ ਨੂੰ ਤੋੜਦੇ ਹੋਏ ਨਦੀ ‘ਚ ਡਿੱਗ ਗਈ ਜਿਸਦੇ ਨਾਲ 34 ਲੋਕ ਮਾਰੇ ਗਏ ਅਤੇ 21 ਹੋਰ ਜਖ਼ਮੀ ਹੋ ਗਏ । ਮੌਕੇ ਤੇ ਮੌਜੂਦ ਅਧਿਕਾਰੀ ਤਰਣ ਬਾਓ ਕਿਊ ਨੇ ਦੱਸਿਆ ਕਿ ਪਿੱਛਲੀ ਰਾਤ ਬੱਸ ਪੁੱਲ ਦੀ ਰੈਲਿੰਗ ਨੂੰ ਤੋੜਦੇ ਹੋਏ ਕਰੀਬ 18 ਮੀਟਰ ਡੂੰਗੀ ਨਦੀ ‘ਚ ਜਾ ਡਿੱਗੀ । ਬੱਸ ਡਾਕ ਲੇਕ ਸੂਬੇ ਤੋਂ ਚੀ ਮਿੰਹ ਦੇ ਵੱਲ ਜਾ ਰਹੀ ਸੀ ।  ਡਾਕ ਲੇਕ ‘ਚ ਹਸਪਤਾਲ  ਦੇ ਉਪ ਕਰਮੀ ਵਾਈ ਬਲੀਊ ਅਰੂਲ ਨੇ ਕਿਹਾ ਕਿ ਬੱਸ ਦੇ ਦੋ ਚਾਲਕਾਂ ਸਹਿਤ 32 ਲੋਕਾਂ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ ।  ਦੋ ਹੋਰ ਦੀ ਹਸਪਤਾਲ ‘ਚ ਮੌਤ ਹੋਈ । ਜਖਮੀ 21 ਲੋਕਾਂ ‘ਚ 16 ਦੀ ਹਾਲਤ ਗੰਭੀਰ  ਹੈ । ਕਿਊ ਨੇ ਕਿਹਾ ਕਿ ਬਚਾਅ ਦਲ  ਨੂੰ ਨਦੀ ‘ਚ ਡੁੱਬੀ ਬੱਸ ‘ਚੋਂ ਲਾਸ਼ਾ   ਕਢੱਣ ‘ਚ ਚਾਰ ਘੰਟੇ ਲੱਗ ਗਏ ।  ਆਨਲਾਇਨ ਅਖਬਾਰ ਡਾਨ ਟਰੀ ਨੇ ਹਾਦਸੇ ‘ਚ ਬੱਚ ਨਿਕਲੇ ਗੁਵੇਨ ਵਾਨ ਖਾਨ   ਦੇ ਹਵਾਲੇ ਨਾਲ ਕਿਹਾ ਹੈ, ”ਜਦੋਂ ਦੁਰਘਟਨਾ ਹੁਈ ਉਸ ਸਮੇਂ ਯਾਤਰੀ ਸੋਂ ਰਹੇ ਸਨ ।  ਅਚਾਨਕ ਧਮਾਕੇ ਦੀ ਅਵਾਜ  ਦੇ ਨਾਲ ਲੋਕ ਇੱਕ ਦੂੱਜੇ ‘ਤੇ ਲੁੜਕਣ ਲੱਗੇ ।  ਮੈਂ ਖਿੜਕੀ ‘ਚੋਂ ਬਾਹਰ ਨਿਕਲਣ ‘ਚ ਕਾਮਯਾਬ ਰਿਹਾ ।

ਮੁੰਬਈ, 18 ਮਈ (ਪ.ਪ) ਮੁੰਬਈ ਕ੍ਰਿਕਟ ਸੰਘ ਨੇ ਕੋਲਕਾਤਾ ਨਾਇਟ ਰਾਈਡਰ ਦੇ ਮਾਲਿਕ ਅਤੇ ਬਾਲੀਵੁੱਡ ਅਭਿਨੇਤਾ ਸ਼ਾਹਰੁਖ਼ ਖ਼ਾਨ ਦੇ ਵਾਨਖੇੜੇ ਸਟੇਡੀਅਮ ਵਿਚ ਜਾਣ ‘ਤੇ 5 ਸਾਲ ਲਈ ਰੋਕ ਲਗਾ ਦਿੱਤੀ ਹੈ। ਸ਼ਾਹਰੁਖ਼ ਖਾਨ ਨੇ ਐਮ.ਸੀ.ਏ. ਦੇ ਨਿਯਮ ਤੋੜ ਕੇ ਉਸ ਦੇ ਅਧਿਕਾਰੀਆਂ ਨਾਲ ਬਦਸਲੂਕੀ ਕੀਤੀ ਸੀ। ਐਮ.ਸੀ.ਏ. ਦੀ ਪ੍ਰਬੰਧਕ ਕਮੇਟੀ ਦੀ ਬੈਠਕ ਵਿਚ ਸਰਬਸੰਮਤੀ ਨਾਲ ਇਹ ਫੈਸਲਾ ਲਿਆ ਗਿਆ ਕਿ ਸ਼ਾਹਰੁਖ਼ ਖਾਨ ਉਪਰ ਅਗਲੇ 5 ਸਾਲਾਂ ਲਈ ਸਟੇਡੀਅਮ ਵਿਚ ਦਾਖਲ ਹੋਣ ‘ਤੇ ਰੋਕ ਲਗਾ ਦਿੱਤੀ ਜਾਵੇ। ਬੈਠਕ ਦੀ ਪ੍ਰਧਾਨਗੀ ਕਰਨ ਵਾਲੇ ਐਮ.ਸੀ.ਏ. ਪ੍ਰਧਾਨ ਵਿਲਾਸ ਰਾਓ ਦੇਸ਼ਮੁੱਖ ਨੇ ਕਿਹਾ ਕਿ ਐਮ.ਸੀ.ਏ. ਦੇ ਇਸ ਫੈਸਲੇ ਨਾਲ ਇਹ ਸੰਦੇਸ਼ ਜਾਂਦਾ ਹੈ ਕਿ ਕਿਸੇ ਵੀ ਤਰ੍ਹਾਂ ਦੀ ਬਦਤਮੀਜ਼ੀ ਬਰਦਾਸ਼ਤ ਨਹੀਂ ਕੀਤੀ ਜਾਵੇਗੀ।

 ਸਾਰੀ ਰਾਤ ਤੱਕ ਧਰਨਾ ਰਿਹਾ ਜ਼ਾਰੀ, ਸਥਿਤੀ ਤਣਾਅਪੂਰਨ
ਭੜਕੇ ਲੋਕਾਂ ਨੇ ਡੀ ਐਸ ਪੀ ਤਪਾ ਦੇ ਗੱਡੀ ਤੇ ਮਾਰੇ ਪੱਥਰ
ਜਿਲਾ ਬਰਨਾਲਾ ਦੇ ਪੂਰੇ ਪੁਲਿਸ ਅਮਲੇ ਨੇ ਭਦੌੜ ਨੂੰ ਛਾਉਣੀ ’ਚ ਬਦਲਿਆ
ਭਦੌੜ 18 ਮਈ (ਸਾਹਿਬ ਸੰਧੂ) ਬੀਤੀ ਰਾਤ ਭਦੌੜ ਦੇ ਨਾਲ ਲਗਦੇ ਪਿੰਡ ਅਲਕੜਾ ਦੇ ਇੱਕ ਨੋਜ਼ਵਾਨ ਨੇ ਜ਼ਮੀਨੀ ਵਿਵਾਦ ਕਾਰਨ ਮਾਨਸਿਕ ਤੌਰ ਤੇ ਤੰਗ ਹੁੰਦਿਆਂ ਜ਼ਹਿਰੀਲੀ ਦਵਾਈ ਪੀ ਕੇ ਆਤਮ ਹੱਤਿਆ ਕਰ ਲਈ ਸੀ ਤੇ ਉਕਤ ਨੋਜ਼ਵਾਨ ਦੇ ਪਰਿਵਾਰ ਵੱਲੋਂ ਪੁਲਿਸ ਵੱਲੋਂ ਦੋਸ਼ੀਆਂ ਨੂੰ ਗ੍ਰਿਫਤਾਰ ਨਾ ਕੀਤੇ ਜਾਣ ਕਾਰਨ ਹਾਈਵੇ ਤੇ ਮ੍ਰਿਤਕ ਦੀ ਲਾਸ਼ ਰੱਖ ਕੇ ਸਾਰੀ ਰਾਤ ਧਰਨਾ ਜ਼ਾਰੀ ਰੱਖਿਆ। ਪੱਤਰਕਾਰਾਂ ਨਾਲ ਗੱਲ ਕਰਦਿਆਂ ਮ੍ਰਿਤਕ ਨੋਜ਼ਵਾਨ ਬਲਵਿੰਦਰ ਸਿੰਘ ਦੇ ਭਰਾ ਸਤਵਿੰਦਰ ਸਿੰਘ ਨੇ ਦੱਸਿਆ ਕਿ ਉਹਨਾਂ ਦਾ ਆਪਣੇ ਪਿੰਡ ਵਿੱਚ ਹੀ ਕਿਸੇ ਨਾਲ ਜਮੀਨੀ ਵਿਵਾਦ ਚੱਲ ਰਿਹਾ ਸੀ ਤੇ ਉਕਤ ਵਿਆਕਤੀਆਂ ਵੱਲੋਂ ਮੇਰੇ ਤੇ ਸਾਡੇ ਪਰਿਵਾਰ ਦੇ ਗਿਆਰਾਂ ਮੈਂਬਰਾਂ ਤੇ ਝੂਠੇ ਪਰਚੇ ਦਰਜ਼ ਕਰਵਾ ਦਿੱਤੇ ਗਏ ਤੇ ਪੁਲਿਸ ਨੇ ਸਾਡੀ ਇੱਕ ਨਹੀ ਸਣੀ ਤੇ ਇਸ ਕਾਰਨ ਸਾਨੂੰ ਮਜਬੂਰਨ ਆਪਣਾ ਘਰ ਬਾਰ ਛੱਡ ਕੇ ਫਰਾਰ ਹੋਣਾ ਪਿਆ ਤੇ ਪਿੰਡ ਦੇ ਵਿਅਕਤੀ ਬਲਦੇਵ ਸਿੰਘ ਪੁੱਤਰ ਜ਼ੋਰਾ ਸਿੰਘ, ਸੁਖਵਿੰਦਰ ਸਿੰਘ ਪੁੱਤਰ ਬਲਦੇਵ ਸਿੰਘ, ਪਾਲ ਸਿੰਘ ਪੁੱਤਰ ਹਰਨੇਕ ਸਿੰਘ, ਵਜ਼ੀਰ ਸਿੰਘ ਪੁੱਤਰ ਕਾਕਾ ਸਿੰਘ, ਗੁਰਤੇਜ਼ ਸਿੰਘ ਪੁੱਤਰ ਬਸੰਤ ਸਿੰਘ ਅਤੇ ਰਣਜੀਤ ਸਿੰਘ ਪੁੱਤਰ ਰੂਪ ਸਿੰਘ ਨੇ ਉਸ ਦੇ ਭਰਾ ਨੂੰ ਡਰਉਣਾ ਧਮਕਾਉਣਾ ਸ਼ੁਰੂ ਕਰ ਦਿੱਤਾ ਤੇ ਉਸ ਨੂੰ ਪੁਲਿਸ ਨੂੰ ਫੜਾਉਣ ਦੀਆਂ ਧਮਕੀਆਂ ਦੇਣ ਲੱਗੇ ਤੇ ਬਲਵਿੰਦਰ ਸਿੰਘ ਨੇ ਉਕਤ ਵਿਅਕਤੀਆਂ ਤੋਂ ਤੰਗ ਆ ਕੇ ਬੀਤੀ ਰਾਤ ਖੇਤ ਵਿੱਚ ਜਾਕੇ ਜ਼ਹਿਰੀਲੀ ਦਵਾਈ ਪੀ ਕੇ ਆਤਮ ਹੱਤਿਆ ਕਰ ਲਈ Read more »

ਸੰਗਰੂਰ 18 ਮਈ (ਪ.ਪ) ਪੰਜਾਬ ‘ਚ ਸੰਗਰੂਰ ਜ਼ਿਲੇ ਦੇ ਬਨਾਰਸੀ ਪਿੰਡ ‘ਚ ਕੱਲ ਰਾਤ ਇਕ ਫੌਜੀ ਨੇ ਰੰਜਿਸ਼ ਕਾਰਨ ਇਕ ਨੌਜਵਾਨ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਸੈਨਾ ‘ਚ ਤੈਨਾਤ ਸੰਦੀਪ ਕੁਮਾਰ ਛੁੱਟੀ ‘ਤੇ ਪਿੰਡ ਆਇਆ ਸੀ। ਉਸ ਨੂੰ ਪੁਲਸ ਨੇ ਕੁਝ ਮਹੀਨੇ ਪਹਿਲਾਂ ਨਾਜਾਇਜ਼ ਹਥਿਆਰ ਨਾਲ ਗ੍ਰਿਫਤਾਰ ਕੀਤਾ ਸੀ। ਉਸ ਨੂੰ ਸ਼ੱਕ ਸੀ ਕਿ ਮ੍ਰਿਤਕ ਸੰਜੀਵ ਕੁਮਾਰ ਨੇ ਹੀ ਪੁਲਸ ਨੂੰ ਹਥਿਆਰਾਂ ਦੀ ਜਾਣਕਾਰੀ ਦਿੱਤੀ ਸੀ। ਉਹ ਉਦੋਂ ਤੋਂ ਹੀ ਉਸ ਨੂੰ ਖਿੱਜਿਆ ਹੋਇਆ ਸੀ ਅਤੇ ਕੱਲ ਰਾਤ ਉਸਨੇ ਸੰਦੀਪ ਨੂੰ ਗੋਲੀ ਮਾਰ ਦਿੱਤੀ। ਸੰਜੀਵ ਦੇ ਪਿਤਾ ਬਲਦੇਵ ਸਿੰਘ ਦੇ ਬਿਆਨ ‘ਤੇ ਮਾਮਲਾ ਦਰਜ ਕਰ ਲਿਆ ਗਿਆ ਹੈ। ਉਸਨੇ ਪੁਲਸ ਨੂੰ ਦੱਸਿਆ ਕਿ ਉਹ ਅਤੇ ਉਸਦਾ ਬੇਟਾ ਦੋਵੇਂ ਬੱਸ ਸਟੈਂਡ ‘ਤੇ ਖੜ੍ਹੇ ਸਨ। ਅਚਾਨਕ ਮੋਟਰਸਾਇਕਲਾਂ ‘ਤੇ ਚਾਰ ਵਿਅਕਤੀ ਆਏ ਅਤੇ ਸੰਜੀਵ ਨੂੰ ਗੋਲੀ ਮਾਰ ਕੇ ਫਰਾਰ ਹੋ ਗਏ। ਇਨ੍ਹਾਂ ‘ਚ ਫੌਜੀ, ਉਸਦਾ ਪਿਤਾ ਸੂਬਾ ਸਿੰਘ, ਭਰਾ ਸੁਖਵਿੰਦਰ ਸਿੰਘ, ਚਚੇਰਾ ਭਰਾ ਕਾਲਾ ਸਿੰਘ ਸ਼ਾਮਲ ਸਨ। ਗੋਲੀ ਚਲਾਉਣ ਵਾਲਾ ਸੰਦੀਪ ਕੁਮਾਰ ਸੀ।

*******************************************************************************

ਯੋਰਪ ਸਮਾਚਾਰ ਦੀ ਵੇਬਸਾਈਟ ਤੇ ਆਉਣ ਦਾ ਧੰਨਵਾਦ ਅਸੀਂ ਉਮੀਦ ਕਰਦੇ ਹਾਂ ਕਿ ਤੁਸੀਂ ਆਪਣੇ ਚੰਗੇ ਸੁਝਾਅ ਸਾਨੂੰ ਜਰੂਰ ਭੇਜੋਗੇ ਅਸੀਂ ਕੋਸ਼ਿਸ਼ ਕਰਾਂਗੇ ਕਿ ਇਹ ਇੰਟਰਨੈਟ ਅਖਬਾਰ ਆਪ ਜੀ ਦੇ ਸੁਭਾਅ ਮੁਤਾਬਿਕ ਖਰੀ ਉਤਰੇ। ਅਸੀਂ ਆਪ ਤੋਂ ਆਸ ਕਰਦੇ ਹਾਂ ਕਿ ਤੁਸੀਂ ਸਾਨੂੰ ਸਹਿਯੋਗ ਦੇ ਨਾਲ ਨਾਲ ਖਬਰਾਂ, ਇਸ਼ਤਿਹਾਰ, ਬੱਚਿਆਂ ਦੇ ਜਨਮ ਦਿਨ ਦੀਆਂ ਫੋਟੋ, ਅਤੇ ਹੋਰ ਸਮੱਗਰੀ ਜੋ ਕਿ ਅਖਬਾਰ ਵਿਚ ਲੱਗਣਯੋਗ ਹੋਵੇ ਭੇਜਣ ਦੀ ਕਿਰਪਾਲਤਾ ਕਰਨੀ।

ਮੁੱਖ ਸੰਪਾਦਕ
ਹਰਜੀਤ ਸਿੰਘ ਨੰਦੜਾ
ਟੈਲੀਫੋਨ: +32 496 74 30 85

ਸਲਾਹਕਾਰ
ਅਮਰਜੀਤ ਸਿੰਘ ਭੋਗਲ
ਟੈਲੀਫੋਨ: +32 498 08 59 16

[email protected]

info@bhogalco